مصحة رفق الموسم الأول - الجزء 65 والأخير

أنه شخص لا اعرفه ولكنني رأيت تلك العيون من قبل .. أتذكر تلك النظرات جيدا 

نظرت ايه وأطلت النظر .. فأبتسم وقال .. ممش هتقوليلي اتتتفضل .. 

انت مين..

 أأنا سسليم مش فاكراني 

سليم..؟ 

اهلا اتفضل .. انت جيت ليه .. قصدي جيت امتى؟

ججيت ممن ككام يوم .. قاعد عععند وواحد صصاحبي  

جاي سياحة والا إقامة .. 

لا انا قاعد .. جاي على شغل.. 

طيب تشرب ايه الأول.. 

ممكن ققهوة..

طبعا .. حالا 

ايه ده .. ايه ايلي جاب سليم هنا ..؟ وياترى جاي لوحده والا معاه سليمان .. يارب هوه فيه ايه انا ما صدقت إن الدنيا هديت وابتدت حياتي تتظبط..

جاء ورائي الى المطبخ .. وجلس على الكرسي وألتقط تفاحة من على الطاولة وقضمها ذلك وانا أحضر القهوة..

طبعا اننتي زممانك ببتقولي ايه الشخص الرخم ده وياترى ععاوز مني ايه وياتترى سسليمان جه معاه والا لا .. صصح ..

ايه؟

انا بعد مما الدنيا ضاقت ببيا ولقيت نفسي ممش عارف اعيش من ساعة ماخرجت ممن السجن ايلي كنت ففيه.. ححسيت اني عاوز أبدأ حياتي من اول وجديد في ببلد جديدة ممحدش يعرفني فيها.. ععاوز احس اني اتولدت ممن أول وجديد..

طيب وليه جيت لي..

ججيت لك ععشان تتساعديني..

أساعدك في ايه مش بتقول انك لقيت شغل..

ايوه أنا ممش ععاوز مساعدة ممادية أنا ععاوزك تعالجيني .. أأنا للسه ببتلجلج ففي الككلام وممش ععارف ارجع اتكلم زي زمان .. ووكمان حاسس اني نففسيا مش ممتظبط .. تفتكري كان غغلط اني جيت لك واني ككان لازم اروح مصحة اححسن؟!

لا طبعا انا مش قصدي .. انت ليه فهمت اني اتضايقت لما شوفتك؟

اصلا بباين ععليكي ججدا..!

طيب أنا آسفه سامحني بس فعلا .. انا اتفاجئت!

 

كنت اقابل سليم كل يوم لمدة ساعتين بعد ساعات العمل.. 

اقوم بجلسات العلاج السلوكي والنفسي معه ولكن خارج المصحة..

 ذهبت معه الى كلاسز الزومبا الخاص بي كنا نذهب سويا ونأكل سويا.. 

وايضا ساعدته في استعادة ثقته بنفسه ذهبنا واشترينا الملابس غير قصة شعره ومظهره اختلف تماما .. وأصبح شخص آخر .. كنا نخرج ونلهو سويا .. كان سليم مثل الطفل .. يضحك كثيرا ويبكي كثيرا .. كنا نقضي عطلة نهاية الأسبوع سويا نأكل و نشاهد فيلما في السينيما .. وفي يوم وبدون اي مقدمات وجدت سليم يعرض علي الزواج.. 

لا أعرف كيف ومتى ولماذا اقتربت منه.. وكيف تعلقنا ببعضنا بعد كل ما مررنا به.. 

وافقت على الفور .. وبالفعل تزوجنا .. قمنا بمراسم زفاف بسيطه نحن وبعض الأصدقاء .. ثم ذهبنا الي البيت .. حملني ودخلنا من الباب ثم قال لي ..

انا بحبك يا جيدا لولاكي كان زماني ميت .. انتي بجد النور ايلي بينورلي حياتي .. انا مش عارف كنت هعمل ايه من غيرك..

قالها وهو يضمني اليه فأبتسمت وقلت له .. انا كمان ياسليم .. حاسه اني هبدأ حياتي معاك من اول وجديد نفسي أنسى كل ايلي مريت بيه .. ومش عاوزه افتكر غير الايام ايلي جايه وبس.. 

سليم..

عاوزه أسألك سؤال .. شاغل بالي اوي من زمان

اسألي ياحبيبتي..

بقولك ايه .. هوه مين ايلي كان بيدخل لنا الاكل من تحت عقب الباب

عم سيد..

ايه

احلف

والأخيرة

مصحة رفق الموسم الثاني - الجزء 1

ما رأيك بما قرأت؟
اذا أعجبك المقال اضغط زر متابعة للكاتب و شاركه مع الأصدقاء على مواقع التواصل الاجتماعي حتى يتسنى للكاتب نشر المزيد من المقالات الجديدة و المفيدة و الإيجابية..

هل تحب القراءة؟ كن على اطلاع دائم بآخر الأخبار من خلال الانضمام مجاناً إلى نشرة جوَّك الإلكترونية

تعليقات
Nesma Mohamed - Jul 31, 2020 - أضف ردا

بجد نهاية جامدة جدا غير متوقعة
امتعتينا بجد وزعلانين انها خلصت بجد برفوا عليكى انتى موهوبة

يجب أن تكون مسجل دخول لإضافة تعليق.
DiDi Elekyabi - Jul 31, 2020 - أضف ردا

نقله جامدة جدا ف احداث القصة ونهاية غير متوقعة احييكي واتمني مزيد من القصص والكتابات

يجب أن تكون مسجل دخول لإضافة تعليق.
Do Yosof - Aug 1, 2020 - أضف ردا

تابعت القصه بشغف وعجبتني جداا.. انتي انسانه مبدعه وموهوبه.. في انتظار المزيد

يجب أن تكون مسجل دخول لإضافة تعليق.
ياسمين حمدي 🖤 - Aug 3, 2020 - أضف ردا

شكرا جدا أتمني تتابعوا الموسم الثاني من قصة مصحة رفق فيه مفاجآت أكتر بكتير 🖤

يجب أن تكون مسجل دخول لإضافة تعليق.
محمد لطفى طلبة - Aug 3, 2020 - أضف ردا

بالرغم من أن النهاية غير متوقعة وشابوه ليكي بجد لكن اتضايقت جدا أن جيدا اتجوزت سليم مستني بفارغ الصبر أقرأ الجزء الثاني ياريت يتنشر بأقصي سرعة 👏⁦❤️⁩😍

يجب أن تكون مسجل دخول لإضافة تعليق.
اسلام ابوبكر عبدالعزيز محمد - Aug 4, 2020 - أضف ردا

انا اسلام مدمن متعافى وبعمل باحث فى رئاسة مجلس الوزراء وعجبتنى جدا فكرة القصة وبالذات لان الطب النفسى يلمس احاسيسى ومشاعرى واتمنى ان اساعدك فى كتابة الموسم الثانى من مصحة رفق وتأكدى اننى سأضيف اليكى الكثير ولتطمئنى لقد قمت بكتابة مقال اسمه نعم الادمان عند التعافى واتمنى أن اسمع رأيك فيه ,
انتظر ردك

يجب أن تكون مسجل دخول لإضافة تعليق.
شيماء لطفى - Aug 4, 2020 - أضف ردا

حلوه جدآ بس زعلت اووي ان جيدا اتجوزت سليم اتمني الجزء الثاني ينزل بسرعه😍

يجب أن تكون مسجل دخول لإضافة تعليق.
اسلام ابوبكر عبدالعزيز محمد - Aug 5, 2020 - أضف ردا

اريد ردك لن تخسرى شيئا اذا اعطيتنى فرصة جربى وللعلم انا ايضا اكتب منذ ان كان عمرى 7 سنوات واريد ان اسمع رايك فى المقالتين الذان قمت بكتابتهم احديهما سميته الحب الغير مشروط والاخر نعم الادمان عند التعافى وانا ارى انك كاتبة ممتازة وانى سأتعلم منك الكثير لذا ارجوكى ردى على

يجب أن تكون مسجل دخول لإضافة تعليق.
اسلام ابوبكر عبدالعزيز محمد - Aug 5, 2020 - أضف ردا

انا ادعى اسلام البنا مدمن متعافى واعمل كباحث فى رئاسة مجلس الوزراء واعجبتنى روايتك كثيرا واريد ان اسمع رأيك فى مقالتين قمت بكتابتهم احدهما تدعى الحب الغير مشروط والاخرى نعم الادمان عند التعافى واريد ان اتعلم منك وان أشاركك فى كتابة الجزء الثانى من مصحة رفق التى اعجبتنى كثيرا وبالذات لأن الطب النفسى يلمس احاسيسى لذا الرجاء من سيادتك ان تشاركينى رأيك وان اتحدث معكى وصدقينى بأذن الله سأضيف االيكى شيئا فأنا اكتب منذ ان كان عمرى 7 سنوات والناس تقول عنى انى شخص ذكى وامتلك عدة مواهب لذا اعطينى فرصة وجربينى ولن تخسرى شيئا ورقمى 01000115647

يجب أن تكون مسجل دخول لإضافة تعليق.
اسلام ابوبكر عبدالعزيز محمد - Aug 10, 2020 - أضف ردا

هذه مقالة الحب الغير مشروط اتمنى ان تقرأيها وتعلمينى بأخطائى لاتعلم منك

يجب أن تكون مسجل دخول لإضافة تعليق.
اسلام ابوبكر عبدالعزيز محمد - Aug 10, 2020 - أضف ردا

هذا هو الجزء الاول من قصة عندى أمل

يجب أن تكون مسجل دخول لإضافة تعليق.

يجب أن تكون مسجل دخول لإضافة تعليق.

مقالات ذات صلة
نبذة عن الكاتب

كاتبة قصص وروايات