مصحة رفق الموسم الأول - الجزء 42

ذهبت الي سريري وبقيت .. أبكي ثم أبكي لا أكف عن البكاء .. أشعر بوجع بقلبي .. لم أشعر بذلك الشعور منذ سنوات ..  موت أمي .. وجع الفراق .. وجع الرحيل .. 

لا أدري بماذا أخطئت ولكن أشعر بأني مذنبة .. 

لا أعرف بماذا أذنبت؟!  ..

وأثناء ما كان ينفطر قلبي من البكاء وجدت رسالة ..

جيدا انا آسف .. سامحيني لو كنت ضايقتك . 

انا ايلي آسفه ياحسام ..

آسفه علي ايه ؟! 

مش عارفه آسفه علي ايه بس حاسة انك مجروح بسببي .. موجوع عشاني . 

ومين ايلي قالك اني مش حاسس نفس احساسك.  ليه ماتكونيش انتي ايلي موجوعة بسببي .. انا عارف ومتأكد من ده ..

مش عارفه من حقي أسأل والا لأ.. بس عاوزه اعرف انت عملت كده ليه .. 

مفيش داعي نتكلم .. انا بس كنت عاوز أعتذرلك   

تصبحي على خير ..

وفي اليوم التالي استيقظت علي صوت صلاة الجمعه .. ذهبت وتوضأت .. كنت أشعر يقبضه في صدري وهمي لا يزول .. ذهبت الى المسجد لأصلي .. كنت أبكي وانا استمع الى خطبة الجمعه وكنت أبكي في سجودي .. 

وبعدما انتهيت من الصلاة .. استندت بظهري علي جدار من جدران المسجد .. ثم أمسكت المصحف بيدي وبدأت أن أقرأ .. 

كانت هناك سيدة مسنة تجلس في الجانب الآخر .. وجدتها تأتي بأتجاهي ..جلست بجواري وسألتني ..

مالك يابنتي .. قالتها وهي تربط على كتفي فأنفجرت في البكاء .. وسردت لها كل أوجاعي. حكيت لها عن ظروفي وكل ما حدث ..

 

قالت لي .. 

يارب يصلح حالك، ويدفع عنك الشيطان ومكائده، فهو عدو الإنسان، قال تعالى: إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا {فاطر:6}، وبينت السنة الصحيحة حرصه على التفريق بين الأحبة

يابنتي انتي مش محتاجة تسألي .. واصلا انتي مش في موضع اختيار .. 

هسألك شويه أسأله وتجاوبيني ..

هوه مين فيهم ايلي طلب حلال ربنا يعني مين طلب يتجوزك ؟

سليمان ..

مين فيهم اتمسك بيكي اكتر ؟

سليمان ..

طيب لو سبتي ايلي طلبك في الحلال واتمسك بيكي لآخر لحظة .. هتفوزي بصاحبه ..

يعني هتتجوزي حسام ؟

لا طبعا ده يعتبر اخوه مش صاحبه من المستحيل أننا نرتبط حتى لو سبت سليمان ..

طيب يعني موضوع حسام ده ميئوس منه ؟!

ايوه ..

طيب انتي مش كنتي بتقولي انك حبيتي سليمان الاول ؟!  

ايوه ..

عارفه ايه ايلي خلاكي تتلغبطي وتحسي أن مشاعرك مش زي الاول ناحية سليمان ..

اسلوب حسام معاكي يابنتي .. ايلي هوه في الأساس غلط ..

حماية القلب من وساوس الشيطان واجبة، ولا يتوصل إلى دفع الشيطان إلا بمعرفة مداخله ..

هوه لما حسام ده فكر فيكي مش كنتي مرتبطة بصاحبه .. يبقي ساب قلبه يميل ليكي وهوه عارف إن ماينفعش .. هوه ده ايلي بيعمله الشيطان .. يدخل على قلوب الناس الضعيفة .. 

يعني اعمل ايه انا بفكر أسافر خالص وأرمي كل حاجه ورا ضهري ..

طيب ليه يابنتي بس .. مش بتقولي مالكيش حد هناك .. وذنبه ايه بس ابن الحلال ايلي كان عاوزك .. ماتتجوزيه .. وانتي لو انسانه كويسه وتعرفي ربنا هتقدري توقفي كل واحد عند حده  .. 

الجواز حاجه تانيه ياحبيبتي موده ورحمه وحب من نوع تاني .. بكره تحبي جوزك وتنسي كل ده ..

 

يتبع 

مصحة رفق الموسم الأول - الجزء 43

ما رأيك بما قرأت؟
اذا أعجبك المقال اضغط زر متابعة للكاتب و شاركه مع الأصدقاء على مواقع التواصل الاجتماعي حتى يتسنى للكاتب نشر المزيد من المقالات الجديدة و المفيدة و الإيجابية..

هل تحب القراءة؟ كن على اطلاع دائم بآخر الأخبار من خلال الانضمام مجاناً إلى نشرة جوَّك الإلكترونية

تعليقات
محمد لطفى طلبة - Jul 26, 2020 - أضف ردا

الست دي فعلا حكيمة وكلامها مظبوط المفروض تسمع كلامها وتنسى حسام خالص

يجب أن تكون مسجل دخول لإضافة تعليق.

يجب أن تكون مسجل دخول لإضافة تعليق.

مقالات ذات صلة
نبذة عن الكاتب

كاتبة قصص وروايات