مصحة رفق الموسم الأول - الجزء 34

 وفي الصباح استيقظت مبكرا لتحضير الطعام  و ذهبت لأختار ملابس مناسبة ..كنت أشعر بالحيرة ماذا ارتدي ..بيجامتي المحببه بما أنني بالمنزل؟.. 

لا طبعا ايه التخلف ده؟.. 

طيب البس فستان خروج وكده .. والا البس بنطلون وتيشرت وخلاص ..

 

طيب هوه المفروض أحط ميكب والا اكون بطبيعتي احسن .. اربط الطرحة لورا علي اساس اني هبقي عاوزه ابقي براحتي احط الاكل وأشيل الاكل و ماتلخمش ..

.والا البسها عادي زي مايكون خارجة؟.. اوووف أخرجت ملابس كثيرة من الدولاب أصبح سريري والأرض ممتلئه بملابسي وأحذيتي ..

 

الو ..حسام..

 

صباح الخير يا مجنونة عاوزه ايه عالصبح قرفتيني؟..

صباح النور ..انت صوتك فايق اهه زي القرد؟

ايوه صحيت ..انا بحب اصحي يوم الجمعه بدري أعمل طقوس معينه أنا وأمي ..

بس واضح انك هتبوظيلي السيستم؟..

بص انا والله عندي مشكلة كبيرة ومحدش هيقف جنبي غيرك اصلا ماعنديش حد أخد رأيه غيرك انت 

فيه ايه يابنتي ؟! 

مش عارفه البس ايه ..

احلفي؟.. انتي هبلة اوي

بس بقي والله متضايقه جدا وقرفت من كتر القلع واللبس

طيب عاوزه ايه بس قوليلي ..

عاوزه اعرف المفروض البس لبس خروج والا بيت والا بنطلون والا فستان والا اي زفت؟..

البسي ايلي يريحك .. 

شكرا جدا عالإفادة؟..

يابنتي مالك بس البسي لبس مريح وحلو فنفس الوقت ..

هقولك هبعتلك الصور ايلي اتصورتها بكل حاجه جربتها وانت تختار عشان زهقت ..

اوك ماشي بس الاول عاوز أسألك علي حاجه مهمه ..

ايه فيه ايه ..

حشيتي ورق العنب؟

يلا يارخم؟

افتح الواتس طيب ..

اوك سلام

ارسلت لحسام صوري وانا بملابس مختلفة ..ثم رد وقال 

جيدا 

نعم 

ايه القرف ده؟

قرف؟

حبيبتي انتي مدركة المناسبة ايلي انتي فيها ..انتي مش رايحة فرح ولا انترفيو شغل ..

امال اعمل ايه طيب بص ده كده ..

ارسلت له صورة أخري وأما أرتدي بنطلون وتيشرت واسع ..

ايوه كده حلو اوي ..

بس ادخلي اغسلي وشك بقي؟

ليه؟

عشان الميكب ده ..بقولك ايه حطي بس lip gloss و blusher 

بس كده شيلي الآيلنر ده بسرعه؟

انت عارف في الميكب ازاي يا أروبة انت؟..

عادي بتفرج علي فيديوهات ميكب عالنت ايه المشكلة؟

انت ايلي مشكلة؟..

جيدا .. اقولك حاجه ..

قول ..

انتي احلي بكتير جدا من غير اي make up؟

طيب شكرا ياسيدي كفاية كده؟..

يلا بقي اقفلي ده انتي بني آدمه رغاية؟

ماشي يلا ماتتأخرش..

اوك سلام

 

يتبع 

مصحة رفق الموسم الأول - الجزء 35

ما رأيك بما قرأت؟
اذا أعجبك المقال اضغط زر متابعة للكاتب و شاركه مع الأصدقاء على مواقع التواصل الاجتماعي حتى يتسنى للكاتب نشر المزيد من المقالات الجديدة و المفيدة و الإيجابية..

هل تحب القراءة؟ كن على اطلاع دائم بآخر الأخبار من خلال الانضمام مجاناً إلى نشرة جوَّك الإلكترونية

تعليقات
Nesma Mohamed - Jul 23, 2020 - أضف ردا

👏👏👏👏
اسلوب راقى برافوا

يجب أن تكون مسجل دخول لإضافة تعليق.
DiDi Elekyabi - Jul 24, 2020 - أضف ردا

كاني عايشة جوه القصة بستني البارت بفارغ الصبر

يجب أن تكون مسجل دخول لإضافة تعليق.

يجب أن تكون مسجل دخول لإضافة تعليق.

مقالات ذات صلة
نبذة عن الكاتب

كاتبة قصص وروايات