مصحة رفق الموسم الأول - الجزء 33

الو .. 

جيدا ازيك ..

الحمد لله .. نمت والا لسه ؟! 

لا صاحي كنت لسه هدخل انام .. 

ماشي معلش اني اتصلت بيك في وقت زي ده ..

انتي تتصلي في الوقت ايلي تحبيه ..

انا بالنسبالك متاح ٢٤ ساعه  .. لو احتاجتي اي حاجه فأي وقت ماتتردديش تكلميني ..

وجدت نفسي سرحت في صوته.. وطريقته الجذابة في الحوار .. ثم فقت من شرودي وتحدثت بصوت مرتفع كالبلهاء .. 

حسام بقولك ايه تعالى اتغدى معانا بكره..

معاكم ؟! 

ايوه انا عازمة سليمان ومامته وباباه . 

طيب معلش اعذريني مش هقدر آجي ..

ليه يا حسام ..

اصل ده اليوم الوحيد ايلي بقضيه مع أمي .. مقدرش اسيبها ..

طيب ما تجيبها معاك ياحسام ..

والله يا جيدا دي نفسها تشوفك ..

ايه ؟ هيه تعرفني ..

اه طبعا حكيتلها عنك .. 

حكيتلها ايه ..

تلجلج في الكلام ثم قال .. يعني انا قولتلها ان سليمان بيحبك واستغربت عشان يعني هوه من ساعة موضوع مراته وهوه رافض يرتبط بأي حد .. فعلشان كده كان نفسها تشوفك طبعا ..

طيب بالله عليك ياحسام تيجي وتجيبها معاك ..

عشان خاطري ..

قال بصوت ساحر وبرقته المعهودة مع تنهيدة هادئه

عشان خاطرك أعمل اي حاجه ..

ايه ؟

تحبي آجيلك بدري اساعدك في الأكل ..؟

ليه يعني انت مش واثق فيا ؟

لا الحقيقه مش واثق فيكي خالص ؟

طيب بص ..هقولك حاجه .. انا هبهرك ؟..

أحلفي ؟

طيب بصي انتي هتعملي اكل ايه .. عشان بس ماتتفضحيش في أول عزومة لحماتك .. 

هعمل مكرونه بالماشروم والوايت صوص .. 

مبدئيا متحطيش مشروم لأن سليمان من هيحط معلقه في بقه ؟

اوك ؟

ها ايه تاني ؟

هعمل لحمة بيكاتا ..وكنيلوني .. وشوربة كريمة الدجاج .. وورق عنب .. وكفته مشوية.. وهطلب ديك رومي ..عشان مستحيل اعرف اعمله ؟

طيب بصي همه جايين امتى ؟!

سليمان هيصلي الجمعه ويطلع يلبسوا وييجوا ..

طيب أنا هقولك اولا انتي عاوزاني اساعدك والا مش حابة ؟!

لا طبعا عاوزه حد يساعدني ؟

طيب هجيلك قبل الصلاه أطلع ماما وانزل أصلي في الجامع ايلي جنب بيتك وأطلع اساعدك ..بصي سيبيلي البيكاتا والشوربة والكفته ..

انتي بقى اعملي ورق العنب والمكرونة ..؟

ماشي اوك والله انت شيلت عني هم ..انا كنت متوترة من العزومة دي بس كان لازم اعزمهم احنا متقابلناش الا في المستشفي ساعة عملية زين ..

ما تقلقيش ..لو مش عاوزه تعملي حاجه وتستنيني انا سريع في الاكل ..

شكرا ياحسام ربنا يخليك ليا ..ماتتأخرش بقي وحياة أبوك ..؟

بس من أولها الشرط نور .. 

انا مش هغسل مواعين ..ماشي ؟؟

امال ايه ؟.. هغسل لوحدي 

بقولك ايه والله أجيلك عالعصر ؟ كله الا المواعين ..

خلاص ماشي امري لله ..

جيدا .. 

نعم ..

انتي بتحبي سليمان اوي صح ..

ايوه طبعا ليه بتسأل ؟

ابدا بطمن على صاحبي مش عاوزه يتوجع تاني ويتعب .. مش عاوز اي حاجه وحشه تحصل ..عاوز اشوف حد مننا مبسوط زي زمان .. حابب علاقتكم سوا .. وحابب اني شايف اتنين مبسوطين ..

حابب اشوف علاقه حب ناجحه بتكمل من غير مشاكل ..عاوز اشوف ناس تديني أمل أن الدنيا لسه بخير .. انا تعبت انا وسليمان ونفسي اشوفه سعيد في حياته .. 

وبعد أن أغلقت الهاتف .. كان لدي فضول شديد لأقرأ الأجندة الخاصه بحسام .. ولكن شيء ما منعني .. لا اريد ان افتح ابواب مغلقه وان أطلع على أشياء كان لابد ألا أعرفها .. يكفيني ما عرفته .. 

يتبع 

مصحة رفق الموسم الأول - الجزء 34

ما رأيك بما قرأت؟
اذا أعجبك المقال اضغط زر متابعة للكاتب و شاركه مع الأصدقاء على مواقع التواصل الاجتماعي حتى يتسنى للكاتب نشر المزيد من المقالات الجديدة و المفيدة و الإيجابية..

هل تحب القراءة؟ كن على اطلاع دائم بآخر الأخبار من خلال الانضمام مجاناً إلى نشرة جوَّك الإلكترونية

تعليقات
Nesma Mohamed - Jul 22, 2020 - أضف ردا

ياترى ايه اللى هايحصل بالمقابلة دى ههههههه
منتظرة البارت اللى بعده ارجوكى متتأخريش علينا

يجب أن تكون مسجل دخول لإضافة تعليق.
DiDi Elekyabi - Jul 24, 2020 - أضف ردا

قمة التشويق

يجب أن تكون مسجل دخول لإضافة تعليق.

يجب أن تكون مسجل دخول لإضافة تعليق.

مقالات ذات صلة
نبذة عن الكاتب

كاتبة قصص وروايات