مصحة رفق الموسم الأول - الجزء 31

ذهبت الي بيتي ببال منشغل وقلب موجوع وتضارب في الأفكار ..أشعر كثيرا بالحزن .. ولكن عندما وصلت الي البيت وجدت باقة من الورد ..كانت رائعة ووجدت بداخلها كلمات .. حبيبتي وروحي بحبك وبعشق تفاصيلك .. أتمني لو تحضنيني زي ما انتي حاضنة الورد دلوقتي .. 

دمعت عيناي وتضايقت كثيرا ..لماذا يفعل هذه الأشياء وهو يعرف جيدا أنني مرتبطة بصديق عمره .. لماذا يقصد أن يشتت مشاعري ويربكني.. لماذا يرسل لي باقة من الأزهار الي بيتي .. ويكتب هذه الكلمات التي تدخل القلب عنوة دون استئذان ..

قررت أن اتحدث معه وأوبخه كي أقطع أمله وأوقفه عند حده ..

ألو .. حسام ..

ايوه يا جيدا عامله ايه ؟! 

الحمد لله ..بقولك ايه .. تقصد ايه بالورد ايلي انت باعته والكلام ايلي انت كاتبه ده ..؟!

قلتها بقلة زوق وعصبية وسذاجة وصوت مرتفع  ..

ورد ؟!..

ورد ايه يا جيدا انا مابعتش ورد وبعدين بتكلميني كده ليه ..مالك ؟!

وأثناء ما كان حسام يتحدث جاءت رسالة ..قلت بعصبية ثانيه واحدة ..

ودخلت علي الواتس آب لأجد رساله من سليمان ..

عجبك الورد ياحبيبتي؟

ياخبر .. ايه ايلي انا هببته ده ..اعمل ايه دلوقتي؟

ايوه ياحسام ..

انا آسفه والله بحسب أن انت ايلي باعت الورد .. وافرضي بعتلك ورد تتعصبي كده ؟!..

و ليه اصلا  حسيتي أن انا ايلي باعت الورد؟! 

مش عارفه اصل كلام مكتوب زي شعر فتوقعت أنه انت انا آسفه اوي والله حقك عليا ..

خلاص ياجيدا ماتتأسفيش عادي ..

يعني مش زعلان ؟!

انا عمري ما ازعل من الناس ايلي بحبهم .. 

ايه؟

ايوه انتي وسليمان اخواتي وماليش غيركم .. انا معنديش اخوات يا جيدا وانتم اخواتي ..

وانت كمان ياحسام والله .. انا بعتبرك اخويا ..

سكت قليلا ثم قال .. يلا بقي روحي اتغدي وارتاحي تعبتي كتير النهاردة .. ماشوفتكيش كلتي حاجه من الصبح ..

اه والله فعلا علي كوباية النسكافيه ايلي شربتها .. 

انتي وزنك كام ياجيدا ..

ليه الإحراج ده ؟..

اصل حاسس انك عيلة صغيرة مش آنسه كبيرة يابنتي كلي شوية عشان حتي جسمك يبقي أقوي .. بحسك ضعيفه عشان كده لما بتتعبي التعب بيطول..

عارف انا كنت اتخن من كده كنت ٥٤ كيلو ..

لا والله امال انتي كام كيلو دلوقتي..

٤٧ .. ونص

مش قولتلك ده كده وزن طفلة..

مش عارفه والله انا باكل كويس .. 

طيب معلش بكره لما تتجوزي وتخلفي هتتخني اكيد؟

أتمنى ؟..

طيب يلا هروح أكمل شغل 

ايه ده انت لسه في المصحة ؟

ايوه انا مش همشي دلوقتي لسه عندي حاجات بعملها ..  

طيب ما تطلب أكل بقي .. 

ماليش نفس والله مش بعرف آكل لوحدي وللأسف كله مشي 

طيب ليه ماقولتليش كنت استنيت معاك .. 

لا طبعا ايه ايلي يقعدك كل ده .. 

يلا بقي سلام عندي شغل وانتي معطلاني ؟ 

طيب سلام اشوفك بكره ..

اوك ..

سليمان يتصل .. ايه يابنتي شوفتي الرساله وماردتيش عليا .. وبكلمك موبايلك مشغول ..

اه معلش كنت بتكلم ..

بتتكلمي مين ؟! 

اكدب والا أقول .. اكدب والا أقول ؟

طيب منا لو قولت هيسالني بكلمه ليه .. ولو ماقولتش  ممكن يعرف من حسام ..

ايوه كنت بكلم حسام ..

اوك طيب ايه رايك في الورد .. 

الحمد لله ما سألش؟

جميل جدا ..

طيب والكلام ايلي عالكارت ..

حلو اوي .. مانت بتعرف تقول كلام حلو اهوه ..

بحاول والله ..وكمان ده احساسي كتبت ايلي حسيته 

طيب بقولك ايه ..ماتيجي نتقابل ..

تعالي نروح سينما ..

ماشي ياريت والله انا اصلا زهقانه ومش طالبة معايا نوم وكده؟

طيب بصي هكلم حسام وارجع اكلمك ..

ايه تكلم حسام ليه ؟! 

عشان ييجي معانا السينما .. 

ليه انت مابتروحش سينما من غيره ..

مالك ياجيدا .. لو مش عاوزاني اكلم حسام ونخرج لوحدنا ماشي .. انا بس الواد ده بيصعب عليا اوي مابيخرجش ولا بيعمل اي حاجه ترفيهيه ..

لا والله معنديش مشكلة كلمه ييجي معانا..

اوك يلا هاجي اخدك الساعه 8 .. 

لا ابعتلي ال location وانا هاجي .. 

لا ياروحي لازم اجي اخدك ماتسوقيش بالليل لوحدك .. 

 

ماشي زي ما تحب ؟

 

يتبع

مصحة رفق الموسم الأول - الجزء 32

ما رأيك بما قرأت؟
اذا أعجبك المقال اضغط زر متابعة للكاتب و شاركه مع الأصدقاء على مواقع التواصل الاجتماعي حتى يتسنى للكاتب نشر المزيد من المقالات الجديدة و المفيدة و الإيجابية..

هل تحب القراءة؟ كن على اطلاع دائم بآخر الأخبار من خلال الانضمام مجاناً إلى نشرة جوَّك الإلكترونية

تعليقات
Nesma Mohamed - Jul 22, 2020 - أضف ردا

😃😍😘👍
اسلوبك جميل اوي معيشانا جو القصة جدا

يجب أن تكون مسجل دخول لإضافة تعليق.
Hala Essa - Jul 22, 2020 - أضف ردا

ايه الحيره دي ❤

يجب أن تكون مسجل دخول لإضافة تعليق.
DiDi Elekyabi - Jul 24, 2020 - أضف ردا

👍🏻😘😍

يجب أن تكون مسجل دخول لإضافة تعليق.
DiDi Elekyabi - Jul 24, 2020 - أضف ردا

👍🏻😘😍

يجب أن تكون مسجل دخول لإضافة تعليق.

يجب أن تكون مسجل دخول لإضافة تعليق.

مقالات ذات صلة
نبذة عن الكاتب

كاتبة قصص وروايات