مصحة رفق الموسم الأول - الجزء 29

بعد أن رأينا زين وقضينا بعض الوقت بالمشفي .. قال لي سليمان .. 

جيدا لازم تروحي تستريحي .. ارجوكي اسمعي الكلام. .

مش هسيبك ياسليمان .. هفضل معاك لحد ما نطمن علي زين ..

ياحبيبتي كده مش هتخفي . هتفضلي تعبانة والتعب هيزيد ..روحي خدي الدوا ونامي ..

قلت لأ .. مش .. هم .. شي 

خلاص خلص الكلام ..؟

كانت والدة سليمان جالسة تستند علي يد الكرسي وقد غلبها النوم ..

ياعيني ماما نامت ..

ياحبيبتي خليها تروح بقي ياسليمان ..

ماما ..

ماما..

ايه ياحبيبي.. 

قومي روحي ياماما ..

لا طبعا مش هسيبك لوحدك ..

ياماما انا مش لوحدي ..

ثم نظر لي وابتسم وحاوطني بذراعه وقال .. 

مراتي معايا اهه ربنا يخليهالي؟..

شعرت بالخجل والاحراج .. فلكمته في صدره برفق وابتسمت واحمر وجهي ..

ضحكت والدته ودعت لنا ثم قامت وذهب .. وبقينا وحدنا بالغرفة ..

تمددت علي السرير واستندت علي الوسادة .. كنت أحاول أن أخبئ احساسي بالإعياء الشديد .. 

جيدا انتي ماجوعتيش انتي اكيد ما أكلتيش حاجه من امبارح .. 

لا كلت والله الواد حسام ده طلع بيعمل أكل تحفة.. 

( يخرب بيتي ايه ايلي  انا بقوله ده ؟)

نعم؟.. بتقولي ايه ؟!

لا أصل انا لما جيت انزل قال إنه عمل شوربة وفراخ وصمم يخليني آكل ..

لا والله انتوا بتستعبطوا .. ناقص تقوليلي أكلني في بقي ..

حصل ياباشا؟

� دي حقيقه والله .. كتر خيره بصراحة 

انتي قاصدة تعصبيني صح .. قالها وهو يمسك بذراعي بشدة ..

قلت بدلال ورقة .. آه دراعي ياسليمان بالراحة بتوجعني ..

بقولك ايه اتكلمي كويس .. 

منا بتكلم كويس ..

لا ماتتدلعيش وانتي بتتكلمي خليكي راجل ..

لا والله؟.. 

ايوه عشان لو اتدلعتي كده تاني وانتي بتتكلمي هتزعلي مني .. 

ليه بقي ؟! 

عشان هبوسك ..

ايه ده بطل قلة ادب؟..

جيدا .. ارجوكي ..ارجوكي بكلمك بجد حطي حدود شوية مع حسام .. 

ماتخلينيش أخسر صديق عمري ..

انت ليه قلقان منه هوه حسام بتاع بنات والا حاجه ..؟

ايه؟ حسام لا خالص ..

لا والله .. 

حسام محترم جدا .. 

يعني عمره ماعمل علاقات مش كويسه مع ستات ..

ايه ده لا طبعا ايه الهبل ايلي بتقوليه ده ..؟

انتي ليه بتقولي كده ..

هوه ضايقك في حاجه؟..

لا بالعكس خالص .. 

امال ليه بتقولي كده بس ؟! 

هقولك بصراحة .. البنت ايلي اسمها رنين دي قالت إنها موافقتش علي حسام عشان بتاع ستات وبيعمل علاقات مش كويسة ..

يابنت الكلب يارنين ..

ليه كده؟..

عشان دي بني آدمه قذرة مش كفاية انها معلقاه كل السنين دي لا منها بتقفل الباب في وشه عشان يقطع الامل ويشوف حياته ومستقبله.. ولامنها بتوافق ترتبط بيه.. كمان رايحة تسوء سمعته وتفتري عليه .. منك لله يارنين ..

ااه صحيح يابنت الكلب يارنين؟..

ماتشتميهاش ياجيدا لو سمحتي عشان دي بنت خالتي ..

لا والله ما انت شتمتها؟..

انا اشتمها ماشي انتي لا..

يعني انتي كنتي متخيلة اني بغير عليكي وبحذرك من حسام عشان هوه مش كويس .. 

بصراحة اه؟..

لا طبعا انتي غبية لو دي حقيقة حسام ماكنتش خليته يتكلم معاكي باستمرار .. ويوصلك لحد بيتك .. وتروحي وتيجي معاه اكتر مني انا شخصيا .. 

امال ليه بتغير منه اوي كده ..

بغير اولا طبعا عشان بحبك اوي .. ثانيا بقي لأن حسام نحنوح اوي؟..

يعني ايه؟

يعني من الأشخاص ايلي تتحب وتدخل القلب  .. يعني طيب جدا وحنون ولسانه حلو ورومانسي وبيكتب شعر من ايلي بيعجب البنات .. وصوته واطي وهادي جدا مابيتعصبش بشوش وبيحب الضحك دمه خفيف ..قلبه ابيض .. بيصعب عليه الناس وبيتعاطف معاهم وبيحس بيهم .. حنون جدا الي ابعد الحدود ..احن حد ممكن تقابليه في حياتك ..

عارفه انا ليه سألتك إذا كان أكلك والا لأ .. عشان كنت متأكد أنه عمل كده فعلا.. 

لانه كان بيعمل معايا كده انا شخصيا لما كنت ببقي عيان .. 

عرفتي بقي انا بغير عليكي منه ليه ..

 ربنا يخليكم لبعض .. انت عارف إن في الاول لما كنت بتكلم معاه قال عليك نفس الكلام ايلي انت قولته ده وشجعني  عشان ارتبط بيك ..انتم فعلا اكتر من الاخوات

انتي سألتيه عني .. 

ايوه بصراحة كنت قلقانة منك .. 

ليه؟

عشان انا شوفتك ماسك ايد رنين واتضايقت وبحسب فيه حاجه بينكم ..

عبيطة؟

لا مش عبيطة ..واسمع أما اقولك اذا كنت انت بتغير عليا من حسام .. انا بقي بغير عليك اكتر من رنين ومن غيرها .. كفايه اني عارفه انها بتحبك وبتحاول تتقربلك .. علي الأقل حسام محترم وانت ضامنه .. إنما دي بصراحة بني آدمه مش كويسه..

انا نفسي اعرف هيه ليه قالت لي كده علي حسام..

عادي عشان كانت بتحسبك هتخطفيه منها .. 

زي ما .. ثم سكت قليلا ..

زي ما ايه يا سليمان ..

زي يعني ما مراتي الله يرحمها خطفتني منها قصدي يعني زي ما كانت هيه متخيلة ..إنما أنا عمري ما حبيت رنين عشان حد يخطفني منها .. 

رنين مشكلتها انها مغرورة .. هيه شايفه نفسها جميلة جدا وألف من يتمناها وبالذات الزفت حسام ده ايلي بيكتب فيها شعر ..حسسها بنفسها اوي وهيه اصلا فاضيه من جوه .. شكل بس إنما لا شئ بالنسبالي ..

لعلمك بقي ..

هيه كل مشكلتها أن انا ايلي سبتها .. لا ازاي بقي حد يسيبها ..دخلت في معركة معايا ومع نفسها عشان تثبت لنفسها اني مش رافضها وأنها تقدر تكسبني ..

هيه لا بتحبني ولا نيلة هيه اصلا مابتحبش غير نفسها .. بدليل لما لقت حسام بيتقربلك حبت توقع بينكم عشان تحتفظ بيه لنفسها ..فهمتي ياجيدا

ياااه ياسليمان .. انت بتفهم في شخصيات الناس كده ازاي .. انت ما شاء الله عليك  انت خريج كلية ايه؟؟..

كلية تجارة .. عضو مجلس ادارة ..بقولك ايه ماتجيبي بوسة ..

قالها وهو يقترب مني .. فدفعته بقوة في صدره .. بس ابعد احسن والله العظيم أصرخ ..

ماشي هسيبك بس عشان احنا في المستشفي ..

هقوم بقي أشوف زين واطمن عليه واجيب اكل ..

بصي نامي نص ساعه كده عقبال ما ارجع .. 

ماشي ..

ثم خرج وأغلق الباب .ثم فتحه مره اخري ..

جيدا ..

نعم ..

بحبك؟

وانا كمان؟

يتبع 

مصحة رفق الموسم الأول - الجزء 30

ما رأيك بما قرأت؟
اذا أعجبك المقال اضغط زر متابعة للكاتب و شاركه مع الأصدقاء على مواقع التواصل الاجتماعي حتى يتسنى للكاتب نشر المزيد من المقالات الجديدة و المفيدة و الإيجابية..

هل تحب القراءة؟ كن على اطلاع دائم بآخر الأخبار من خلال الانضمام مجاناً إلى نشرة جوَّك الإلكترونية

تعليقات

يجب أن تكون مسجل دخول لإضافة تعليق.

مقالات ذات صلة
نبذة عن الكاتب

كاتبة قصص وروايات