مصحة رفق الموسم الأول - الجزء 28

اخيرا صحيتي طمنيني عليكي بقيتي كويسة؟! 

انت فين ياسليمان وايه ايلي جاب حسام هنا ؟! 

حبيبتي انتي كنتي تعبانه مقدرتش اسيبك لوحدك وفي نفس الوقت كان لازم انزل عشان عملية زين ..

ايه ده زين دخل العمليات؟..

ايوه ادعيله؟..

ربنا يخرجه بالسلامه يارب..

آمين يارب ..

جيدا خلي رنين تعمل لك اكل وكلي انتي ماكلتيش حاجه من امبارح ..

رنين ايه ياسليمان ..فين رنين دي ..

حسام بس ايلي هنا ..

ايه بتقولي ايه ؟! 

والله مافي حد غير حسام ..

يابنتي انا اتصلت برنين وجت هيه وحسام وسبتهم ونزلت .. كان سليمان يصرخ في الهاتف .. لو سمحتي تروحي لحسام دلوقتي وتقولي له ينزل بدال ما اقسم بالله لو جيت مش هخلي حته في جسمه سليمة .. 

اعمل ايه يعني اروح اطرده .. ظل يصرخ ..

ماتتصرفي يابنتي انتي غبية هتقعدي انتي وهوه لوحدكم ؟!

طيب طيب خلاص هتصرف بالراحة فيه ايه ..؟

ماتنسيش تاخدي الدوا عشان حرارتك هترتفع تاني ..وهضطر أديكي حقنه زي امبارح ..

ايه انت اديتني حقنة؟

آه ..عضل؟

ماشي ياسليمان ..بس لما أشوفك؟..

يابنتي على فكره انا دكتور ..انتي ليه زعلانة ..

سليمان

نعم ..

 مين ايلي غيرلي هدومي ؟! 

انا ..

ايه؟ بتتكلم جد ..

انت ازاي تعمل كده .. دي قلة أدب مهما كان مكنش المفروض تعمل كده

كنت سيبني اموت وماتعملش كده .. كنت أتحدث بعصبية .. كنت غاضبة جدا وأشعر بالضيق والخجل بآن واحد ..فأنا بطبيعتي خجولة جدا كنت حتي لا أستطيع أن أبدل ملابسي أمام أمي ..رحمها الله

وأثناء غضبي وثورتي عليه قال بلهجه حادة ..

خلاص يا جيدا ..انا غلطان اني بهزر معاكي .. انا مش سافل اوي يعني عشان أقلعك هدومك وانتي نايمة ومش حاسة .. أ

أنا طلعت مرات البواب عشان ماما اتأخرت ولو مش مصدقاني اهيه عندك اهيه روحي اسأليها ..

طيب معلش أنا آسفه ..

لو سمحتي تروحي تنزلي حسام دلوقتي حالا

 يلا اقفلي و هكلمك تاني اشوفك عملتي ايه ..

ماشي سلام ..

خرجت من الغرفة وذهبت الى حسام .. نهض من مكانه ثم وضع يده على جبهتي ووجهي ..

الحمد لله الحرارة نزلت .. يابنتي قلقتيني عليكي..قالها وبالفعل قد بدت عليه ملامح القلق والتوتر ..

تراجعت خطوة للخلف ثم قلت بطريقة جادة ..

انا الحمد لله بقيت كويسة .  آسفه تعبتكم معايا .. امال فين رنين ؟! 

رنين اضطرت تنزل عشان مامتها كلمتها وقالت لازم تيجي ..

اوك طيب تقدر تروح ياحسام ..شكرا على تعبك ..

 

لا طبعا انا مش نازل من هنا الا لما تبقي كويسة ..

 

حسام انا الحمد لله بقيت كويسة خلاص .. قلتها وانا لا استطيع ان اقف على قدمي .. أشعر بدوار شديد فجلست على الأريكة ..

مالك انتي دوختي ؟! 

لا شوية ..

عادي عادي طبيعي من المضاد الحيوي والسخونية برضو بتدروخ ..

عملتلك بقي شوية شوربة كريمة فراخ هتاكلي صوابعك وراها..

لا شكرا مش عاوزة ..ليه تتعب نفسك ..

مفيش تعب ولا حاجة يا جيدا ..

انتي ليه بتكلميني كأني غريب مش احنا اصحاب ..

كان المفروض اعمل ايه اسيبك لوحدك وانزل وانتي سخنه وتعبانة .. انتي ليه بتتعاملي معايا كأني بفرض نفسي عليكي ..

انا عارف انك مش حابه وجودي..  صدقيني انا عاوز انزل والله بس قلقان اسيبك لوحدك ..افرضي مفعول الدواء راح وتعبتي تاني ..

 

طيب معلش أنا مش قصدي اضايقك  .. آسفه 

بس طيب ممكن توصلني عند سليمان ..

انتي مجنونه ياجيدا .. انتي مريضه ماينفعش تخرجي من البيت ..

بص ماتتعبنيش عشان انا كده كده هنزل هتوصلني والا اطلب أوبر ..

طيب هوصلك ماشي انتي دماغك ناشفة ومش هتسمعي الكلام انا عارف..

طيب بصي هنعمل deal ..

انتي تشربي طبق شوربة وحته فرخة صغيرة وانا أوصلك لسليمان ..؟

نظرت له .. وجدته يتحدث معي بمنتهي الادب والاحترام ..لم يتعدى حدوده معي بل وأحسست بحنيته وطيبة قلبه .. هل من الممكن أن تكون رنين تفتري عليه وتتهمه اتهامات باطلة .. لا أعرف ..؟

ها قولتي ايه ؟!

اوك ماشي .. 

ذهب وأحضر الشوربة ووضع الصنية على رجلي .. أخذت الملعقه ولكن كنت أشعر بالدوار ويدي ترتجف .. لا أستطيع انا أتناول الطعام ..

جلس بجانبي ثم أخذ الصينيه ثم وضعها على رجله وتناول الملعقة .. وقام بإطعامي .. 

شكرا ياحسام ربنا يخليك .. انت لو اخويا مش هتعمل كده ..

مين قالك .. لو اخوكي هعمل كده برضو ..منا اصلا اخوكي يا عبيطة ..

وعندما انتهيت ساعدني أن أذهب الى الحمام ثم ارتديت ملابسي وذهبت الى سليمان بالمشفى ..وعندما رآني ..

جيدا .. انتي مجنونه ايه ايلي نزلك في الحاله دي .. ازاي تخرجي وانتي عيانة .. 

ليه كده ياحسام بس.. 

هعمل ايه طيب هيه صممت لو مكنتش وصلتها كانت هتيجي بأوبر ..فقلت أوصلها احسن ..

أمسك بذراعي وأجلسني برفق ..

ضمني إليه .. ثم دخلت والدته ..وعندما رأتني ...

ياحبيبتي يابنتي .. سلامتك الف سلامه

ايه ايلي جابك بس .. لا اله الا الله .. 

ياجماعه والله انا كويسه .. وبعدين كنت قلقانة مش هقدر افضل كده مش عارفه حاجه .. 

حبيبتي ربنا يخليكي ليا قالها وهو يقبل يدي ..

نظر إلي حسام ..في صمت

ثم قال حسام ..ربنا يطمنك على زين ياسليمان .. 

آمين يارب ..

حسام ارجوك روح المصحة انا مش مطمن كده ومحدش فينا هناك ..

مش معقول هسيبك ياسليمان في الظروف دي ..

معلش ياحسام اسمع كلامي وأما تخلص ابقى عدي عليا .. أقبل حسام على سليمان ثم أخذه بحضنه وربط على كتفه وقبله بين عينيه  وقال لو احتاجت حاجه كلمني ..

ماشي ..يا حبيبي ربنا ما يحرمنيش منك ..

جاء الطبيب ..

فقمنا جميعا وذهبنا في اتجاهه .. خير يادكتور ..

الحمد لله العمليه تمام ..ربنا يتم شفاه على خير ..

قالت والدة سليمان ..

يعني هوه بقى كويس يادكتور .. 

هوه لسه مافقش .. ان شاء الله لو لحد بكره الصبح ماحصلش اي مضاعفات يبقى كده عدى مرحلة الخطر .. ادعوله ربنا يقومه بالسلامه ويطمنكم عليه ..

قال سليمان ..

دكتور طيب ممكن اشوفه .. 

اه بس خمس دقايق وممكن المدام تشوفه خمس دقايق مش اكتر من كده .. 

ربنا يطمنك عليه يا مدام ..قالها وهو ينظر إلي ..

ابتسمت وقلت له ..شكرا 

ابتسم لي سليمان ثم ذهبنا لنرى زين ..

يتبع

مصحة رفق الموسم الأول - الجزء 29

بقلم الكاتب


كاتبة قصص وروايات


ملاحظة: المقالات والمشاركات والتعليقات المنشورة بأسماء أصحابها أو بأسماء مستعارة لا تمثل الرأي الرسمي لجوَّك بل تمثل وجهة نظر كاتبها.

ما رأيك بما قرأت؟
اذا أعجبك المقال اضغط زر متابعة للكاتب و شارك المقال مع أصدقائك على مواقع التواصل الاجتماعي حتى يتسنى للكاتب نشر المزيد من المقالات الجديدة و المفيدة و الإيجابية..

تعليقات

يجب عليك تسجيل الدخول أولاً لإضافة تعليق.
تسجيل دخول إنشاء حساب جديد

Mohamed Elkotb - Jul 20, 2020 - أضف ردا

عاش

يجب عليك تسجيل الدخول أولاً لإضافة تعليق.
DiDi Elekyabi - Jul 20, 2020 - أضف ردا

قصة رومانسية فيها روح من الدعابة فوق الرائعة

يجب عليك تسجيل الدخول أولاً لإضافة تعليق.

شكرا 🌹 اتمنى أبقي عند حسن ظنكم دايما

يجب عليك تسجيل الدخول أولاً لإضافة تعليق.
Nesma Mohamed - Jul 21, 2020 - أضف ردا

جميل دة روعة

يجب عليك تسجيل الدخول أولاً لإضافة تعليق.
Hala Essa - Jul 21, 2020 - أضف ردا

ضحكني جداااا الجزء ده رهيييييب كنت حسه ان اكيد مش هو غير ملابسها ...قصه حب حلوه اوووووي وصعب عليا زين جدااا

يجب عليك تسجيل الدخول أولاً لإضافة تعليق.

هل تحب القراءة؟ كن على اطلاع دائم بآخر الأخبار من خلال الانضمام مجاناً إلى نشرة جوَّك الإلكترونية

مقالات ذات صلة
نبذة عن الكاتب

كاتبة قصص وروايات