مصحة رفق الموسم الأول - الجزء 24

طيب يابني بقولك ..

 ايه ياحبيبتي ..

 روح انت بقي ناملك ساعتين وارتاح .. وانا هفضل مع زين ..

لا طبعا يا أمي روحي انتي عشان بابا بيبقي متضايق وانتي مش موجوده ومش بيرضي يخليني أعمل له اي حاجه ولا بياكل ولا بيشرب الا لما انتي بترجعي .. 

وبعدين اطمني انا نمت كويس جدا مش محتاج انام والله مستريح ..

اه واضح منا شوفتكم وانتوا نايمين؟..

ماشي يلا تعالي اعرفك علي جيدا قبل ماتمشي .. 

جيدا .. امي . 

اهلا يا طنط ازي حضرتك قلتها وانا انظر الي الأرض خجلا ..كنت أمد يدي لأسلم عليها ولكنني فوجئت بها تشد ذراعي وتأخذني بحضنها .. حبيبتي قوليلي بقي يا ماما بلاش طنت دي . 

دمعت عيناي وتذكرت امي .. من الأساس قبل أن تطلب مني أن اناديها بأمي .. 

أحسست من حضنها الدافئ وكأنها بالفعل امي .. ما هذه العائله الحنونة .. لدي كل منهم حضن دافئ ووجه باسم وقلب ابيض .. من حسن حظي اني قابلت سليمان؟

جاء حسام .. ازيك ياامي عامله ايه وحشتيني .. 

يلا ياكداب ..انت فين يا حسام ماتجيش تبص علي امك ولا تتصل تسأل عليا مره .. ايه ايلي جرالك نسيت لما كنت بتجيلي مخصوص عشان اعملك المكرونه بالبشاميل عشان بتاعة امك وحشة يا وله؟.. 

الله عليكي فكرتيني وجوعتيني؟؟..

طيب يلا فضي نفسك يوم وتعالي انت وجيدا وانا أعملكم احلي صنية مكرونه بالبشاميل.. 

ماشي يا أمي انا والله لو عليا آجي من دلوقتي؟.. طيب نطمن علي زين ونتجمع بقي عندنا ان شاء الله ..قالتها وهي تربط علي كتفي .. ماشي ياجيدا ؟! 

أه طبعا يا طنط ان شاء الله قصدي يا ماما معلش آسفه؟..

يلا يا ماما عشان أوبر  جه تحت .. 

سلام ياولاد اشوفكم علي خير ..

يلا انتوا كمان .. جيدا روحي البيت ارتاحي ماتروحيش المصحه النهاردة ..

لا طبعا مش هينفع لازم اروح المصحة ..

ليه يعني ؟! 

انت ناسي النهاردة splash day

وانا وعدتهم من امبارح أن النهارده هيبقي يوم fun وكده مش هينفع ماروحش هيزعلوا اوي .. 

حبيبتي طيب انتي تعبانة .. لا ياحبيبي والله ما تعبانه منا نمت كويس ..

أقترب مني وهمس بأذني .. كانت احلي نومة والله؟. 

ضحكت ونظرت الي عينيه الجميلتين كنت أود أن ابقي بحضنه ولا اتركه ابدا كنت صامته مع انني  لدي الكثير لأقوله ولكن استفقت علي صوت حسام .. 

طيب يلا بينا بقي والا ايه .. قالها بجدية علي غير عادته ..

ماشي اوك يلا .. 

سلام ياسليمان ..

سلام ياحبيبتي.. وعندما هممت بالرحيل وضع يده وراء ظهري وجذبني اليه وقبل رأسي وقال هتوحشيني .. 

وانت كمان .. اوي 

يارب نخلص؟.. 

انت فصيل يلاه انت  علي فكرة .. قالها سليمان

انت ايلي اوفر اوي انت وهيه  بصراحة ..ركبت السيارة مع حسام . . ظل صامتا طول الطريق.  

مالك ياحسام؟! 

مفيش حاجه عادي ..

لا طبعا مش عادتك ساكت كده .. 

انت كويس  .. 

ايوه كويس .. 

ومالك بتقولها كده ليه؟

اقولها ازاي طيب ..

كويس الحمد لله دي جاي أبو عبير ريمكس فيجو الدخلاوااااااي؟؟؟..

ايه الهبل ده ..

ايه مابتسمعيش مهرجانات ..

لا بسمع طبعا وبحبها جدا؟.. بس ماتقولش لحد بالله عليك ..

لا هقول طبعا .. هقول في المصحة الدكتوره جيدا جايه من لندن بس بتحب المهرجانات ..؟؟؟..

طيب تحبي تسمعي ايه .. 

أمممم شغل قلبك بحر مالح؟..

قام حسام بتشغيل الكاست بصوت مرتفع .. وكنا نغني مع الاغنيه طوال الطريق ( قلبك بحر مالح .. قلبي فيكي سارح .. قلبي مش مسامح .......) ..

وعندما اقتربنا من المصحة أغلق الاغاني وقال لي .. 

جيدا ..

نعم ..

احنا علي اتفاقنا طبعا .. 

اه اكيد تقصد علي رنين ..

ايوه .. بصي لو مش عاوزه نلغي الموضوع وانا كده كده خلاص عادي كأننا ماعملناش حاجه ..

طيب وليه يابني مالخطه ماشية تمام والبنت شكلها هتلين ..

اوك ماشي .. 

وجدت اتصالا من سليمان .. الو ايوه ..

جيدا وصلتي ؟! 

اه ياحبيبي وصلت .. 

طيب حسام غلس عليكي والا حاجه ؟؟

لا خالص ليه بتقول كده؟! 

لا عادي بطمن عليكي بس يلا سلام؟

وعندما دخلنا من باب المصحة أمسك يدي ..تضايقت قليلا ولكن حاولت ألا أظهر ذلك .. تصنعت الابتسامه..

جاءت رنين .. كانت حزينة .. حسام من فضلك عاوزاك ..

شددتها من ذراعها رنين مالك انتي معيطة .. 

وانتي مالك انتي ؟! قالتها وهي تبكي ..

أمسكت بها وحضنتها رغما عنها فبكت أكثر وأكثر .. أخذتها من يدها ودخلنا غرفه المكتب ..

مالك بقي ؟! 

انتي اخر واحده المفروض تسألني السؤال ده .. 

ليه يعني هوه احنا أعداء .. 

ايوه اعداء امال ايه ؟! 

لا طبعا مش أعداء ..احنا زملاء في مكان واحد وكمان بنات زي بعض .. وكمان انا بحبك ومن ساعه ماجيت والله وانا بتعلم منك ..

صدمت رنين من كلامي .. ورأيت علي وجهها علامات تعجب .. انتي مصدقة نفسك ؟! 

انتي يابنتي انتي كل ساعه في حال .. انتي مش لسه كنت عماله تغيظي فيا امبارح .. وتضايقيني

لا والله انتي بس كلمتيني بطريقه مش حلوة فكنت برد عليكي وعموما انا آسفه لو كنت ضايقتك ..

مالك بقي مش هتقوليلي ؟! 

هسألك الاول سؤال وبعدين اقولك مالي .. 

دخل حسام فجأه .. وأقبل علي ووضع يده علي كتفي .. مش هنفطر بقي يا جوجو والا ايه .. قالها وبيده تفاحة يقضم منها وهو يتحدث. 

دفعته لأبعد يده عني مش عاوزه أفطر ممكن تخرج دلوقتي ..

اوك ماشي مستنيكي في الكافيتيريا ..

جيدا .. انتي مرتبطة انتي وحسام ؟! 

ليه بتسألي ..

ردي عليا من فضلك ..

يعني حاجه زي كده؟.. 

امال ليه لما رحت المستشفي لقيتك نايمه فحضن سليمان ..

قلت بيني وبين نفسي (يانهار ابيض هيه مصر كلها شافتني انا وسليمان واحنا نايمين)

جيدا انا من ساعتها وانا مصدومه مش فاهمه حاجه انتي بتعملي كده ليه .. انا اعصابي تعبت من الصراعات نفسي ارتاح بقي .. ظلت تبكي كثيرا.  

بصي انا هفهمك ..

رنين ..انتي قولتي انك بتحبي سليمان من زمان ممكن أسألك بقي ..  

ايه المتعة في الحب من طرف واحد ؟! 

مفيهاش اي متعة بالعكس ده موت بالبطئ ..

طيب وايه ايلي مخليكي متشبثه اوي بالحب ايلي يوجع ده ..

ليه مابدأتيش قصة حب تكوني مرتاحه فيها ..

كان عندي امل ان مع الوقت يحبني .. 

وقت ايه يا رنين انتي قدامه بقالك سنين ايه ايلي يخليه فجأه يحبك ..

نظرت الي الأرض وقالت عندك حق ..

رنين ليه لما عرفتي أن حسام بيحبك ما حاولتيش تدي نفسك وتديله فرصة انكم تبقوا مع بعض .. 

 

عشان حسام ماينفعش ياجيدا .. ماينفعش اتجوزه .. 

ليه يارنين ماله حسام ؟! 

حسام راجل مش كويس ..

نعم؟

ليه بتقولي عليه كده ..

عشان دي حقيقته حسام بتاع ستات ياجيدا  بيعمل علاقات قذرة ودي مش حاجه جديده هوه كده من ساعة ماعرفته .. اوعي تكوني مفكراني بفتري عليه عشان أوقع بينكم .. والله العظيم ابدا ..

انا بصراحه لما لقيت علاقتك بحسام مش طبيعية تخيلت معلش انك شمال وكده .. 

لكن لما لقيتك نايمه جمب سليمان مابقتش فاهمه حاجه .. 

سليمان محترم وعمره ماعمل علاقه مع اي واحده  .. ولا حتي فيه فحياته علاقة حب من ساعة موضوع مراته عمره ما ارتبط بحد ..

 

عرفتي بقي ليه انا بحب سليمان ..عشان انسان نضيف ورقيق ..كنت بحاول أكسبه لاني عمري ماهلاقي واحد زيه ..

يا ابن الكلب ياحسام .. انا فعلا كنت شاكة في نظراته ولمساته وكدبت نفسي ..

جيدا بكلمك انتي مش مركزه معايا .. 

رنين انا آسفه ..عاوزه اكون صريحة معاكي ..

انا مفيش حاجه بيني وبين حسام انا بس كنت بحاول أثير غيرتك ناحيته عشان هوه قال لي أنه بقاله سنين بيحبك وكنت بحاول أوفق بينكم ..

طيب وسليمان ؟! 

انا بحب سليمان اوي وهو كمان .. ارجوكي سامحيني وماتعتبرنيش خطفته منك لانه اصلا سليمان بيعتبرك زي أخته .. انا آسفه

لا آسفه علي ايه انتي مش غلطانة فحاجه عشان تتأسفي انا ايلي رخصت نفسي زيادة عن اللزوم بعد اذنك

يتبع

مصحة رفق الموسم الأول - الجزء 25

ما رأيك بما قرأت؟
اذا أعجبك المقال اضغط زر متابعة للكاتب و شاركه مع الأصدقاء على مواقع التواصل الاجتماعي حتى يتسنى للكاتب نشر المزيد من المقالات الجديدة و المفيدة و الإيجابية..

هل تحب القراءة؟ كن على اطلاع دائم بآخر الأخبار من خلال الانضمام مجاناً إلى نشرة جوَّك الإلكترونية

تعليقات
محمد لطفى طلبة - Jul 19, 2020 - أضف ردا

برافو جميلة جدا أحداث القصة ⁦❤️⁩

يجب أن تكون مسجل دخول لإضافة تعليق.
Nesma Mohamed - Jul 20, 2020 - أضف ردا

بجد قصة رائعة انتى غلبتى المؤلفين الكبار
كل قصص المسلسلات فيها مط وملل ومافيش افكار قصصك روعة الصراحة 👏👏👏

يجب أن تكون مسجل دخول لإضافة تعليق.
DiDi Elekyabi - Jul 20, 2020 - أضف ردا

اسلوبك رائع ف ترتيب الاحداث مبدعة جدا

يجب أن تكون مسجل دخول لإضافة تعليق.
Hala Essa - Jul 21, 2020 - أضف ردا

رنين شخصيه مريضه 😞

يجب أن تكون مسجل دخول لإضافة تعليق.

يجب أن تكون مسجل دخول لإضافة تعليق.

مقالات ذات صلة
نبذة عن الكاتب

كاتبة قصص وروايات