ما للغدر أعذار في شرع الأحباب
من يخونك لا تأمنه ولا تقبل اعتذاره
حكمة قديمة قالوها أصحاب الألباب
من لا يعدك راس مال لا تعده خسارة
من يجيك بالوجه صادق والقفا كذاب
لا تماشيه ولا تصاحبه ولا تكون جاره
بالوفا خلك زود وافي بلا أيا حساب
خلك من دروب الغدر ولا تحسبها شطارة
لو هي هنوف عدة من تبعات الأرقاب
موردة خد نافرة نهد، حد الحلا باختصاره
نايفة بشموخها ترقى عاليات السحاب
تشفي قتيل الهوى لو هو باحتضاره
فيها الجمال آية آمن بها كل مرتاب
لا مشت تراقصلها حقل تباهى بأزهاره
في صوتها تغريد البلابل يفقدك الصواب
أو عازف أبدع نغم يا نار غيتاره
تفوح بعطرها إذا مشت، والعطر جذاب
يلاعب ليلها قمرا تفضح ستاره
فاتنة بكل المعاني، سهمها صاب
لو شافها شيخ وقور، يفقد وقاره
غنوج بطبعها وبالطبع غلاب
ساحرة لا بغت بإصرار وجداره
ما للجفا يمها أهداف وأسباب
من تعلق في هواها، بيع أسراره
أكحل الموق فيها مع رمش وأهداب
جيش لا غزا القلب، قطع أوتاره
هنوف مالها بالوصف أشباه وأنساب
يحارب بوصفها شاعر أبدع أشعاره
جمالها صورة على ظهر الكتاب
تداعب قلب ناظرها بأروع عباره
جبتها ظامي سقا ونوخت الركاب
واشغلت ليل الهوى ونادمت سماره
جبتها كلي لين انحرق كلي وذاب
أغرقتها وفا لين فاض الوفا بأنهاره
غرقت بها حنين وشوق ولوم وعتاب
شربتها ظمأ عاشق يكره البعد وأسفاره
انخدعت بهواها وتعلم كفي بنتي
عضيت كف الندامة وأوجعت خنصاره
حسبت إني بروي ظماي، تبعت السراب
أثرها كذبة حلا وبالضمير غداره
ما للخيانة في شرع الأحباب أسباب
ما للغدر أعذار لو تصدق اعتذاره
صحيح حكمة قديمة قالوها لأصحاب الألباب
من لا يعدك راس مال لا تعده خسارة
يجب عليك تسجيل الدخول أولاً لإضافة تعليق.