لما كنا صغيرين
كان قلبنا أخضر وحلمنا أجمل
والدنيا كانت واسعة
مليانة بالحنان
والحب والأمان
أبويا كان باشا في زمانه
وعمي كان مالي مكانه
وأمي هي الحنية والدلع والملاغيه
أصلها كانت طيبة من القلب قريبة
كانت على نياتها وزهرة بين أخواتها
وأبويا كان عظيم ومحترم كمان
لأنه كان إنسان
بيحب كل الناس
وقلبه زي الألماس
وكنت أنا وأخواتي قلوبنا فرحانة..
بالحب مليانة
مليانة بالأمل والصدق والإخلاص
طفولتنا كانت بريئة في كل ثانية ودقيقة
وأحلامنا كانت بسيطة ما فيهاش خداع ولا غش
ووشوشنا كانت واحدة
ماكانتش مليون وش
والعيشة كانت هنية
والحب مالي بيتنا
واللمة كانت حلوة مع أهل حتتنا
أمانة عليك يا زمان
ترجع اللي كان
أيام طفولتي البريئة
لو حتى أعيشها يوم
مع كل أهلي وحبايبي
يا غربة كفاية قسوة
أنا عايزة أروح بلدي
وأعيش أيام طفولتي
مع كل أهلي وناسي
من غير فراق ومآسي
وأتهنى باللمة
مع عزوتي وناسي
يجب عليك تسجيل الدخول أولاً لإضافة تعليق.