سرحان في جمال عيونك وتاه بيا الزمان
من كتر تفكيري فيكِ بشوفك في كلّ مكان
في الشباك وع الببان. وفي الشوارع ع الحطان
ماشي في كل حتة أردّد اسمك بغبغان
ما دي مش عيون عادية دي ولا عيون الغزلان
النظرة منهم طلقة طالعة واخدة قلبي ليها عنوان
جمالك شعب ومرجان. والريحة مسك وزعفران
يا قمر وشمس ونجم سمايا. يا حور من الجنان
آه يا قلبي كدا آه حبتها. وبقيت بشوقها مليان
بتمنّى نظرة من عينيها أو كلمة واحدة من اللسان
نفسي اقولك بحبك. وتقوليلي وأنا كمان
حياتي قبلك كانت أبيض وأسود. أنت جيتي بقت ألوان
كأني كنت في ليلة ظلمة. وبوجودك القمر بان
كأني كنت تايه في الطريق. وأنت دليتيني للمكان
مكان الحبّ الحقيقيّ. مش ال كان وباع وخان
كأني كنت ميت. ورجعتيني للحياة
يجب عليك تسجيل الدخول أولاً لإضافة تعليق.