جوَّك فنون مايو 24, 2023, 8:35 ص

عارفة عبد الرسول وتعليقها على صورتها بالمايوه

ظهرت الفنانة عارفة عبد الرسول مع الإعلامي عمرو الليثي في برنامجه واحد من الناس، وذلك على شاشة قناة الحياة، وعلقت على صورتها بالمايوه، كما تحدثت عن بعض تفاصيل حياتها.

عارفة عبد الرسول "طلعت صورة المايوه لكن ردود الفعل كانت صعبة"

علقت عارفة عبد الرسول على صورتها بالمايوه خلال لقائها في البرنامج، وقالت: "أنا اللي طلعت صورة المايوه وكنت فرحانة بيها لكن ردود الفعل كانت صعبة".

وقالت عارفة عن عمرها الحقيقي:"انا لا اعرف تاريخ ميلادى شهر كام بالظبط لان كان عندى بنت خالى مديره مدرسه ولعبت فى شهادات ميلاد العيلة كلها علشان دخول المدارس انا مواليد سنة ٥٣، لكن مش عارفة برجى ايه".

وتابعت:"أنا انسانه مسرفه جدا فى حياتى وجوزى هو اللى ماسك مصروف البيت وانا باخد منه مصروف".

عارفة عبد الرسول "معشتش طفولتي"

أضافت عارفة عبد الرسول بعض التفاصيل عن حياتها وقالت: "أعمامى 7 و ابويا اصغر واحد فيهم وفتح محل بقال، وكان بيوقفنى فى المحل مكانه لانه كان شاب وذواق بيروح للسينما ويسيبنى فى المحل وانا فى سن 3 سنين ومعشتش طفولتى، و اول مرة اركب ملاهي فى حياتى كان فى مسلسل اللعبة".

وتابعت: "والدي كان بيديني فى الاسبوع 25 قرش، و كنت بحوشهم واشتريت بيهم حاجات ليا، وبابا تعب من البقالة فقولت ليه نغير يا بابا نعمل محل كوافير فقال لى مش شغلانتنا ، فقولت ليه اتعلمها و فعلا روحت اشتغلت فى كوافير سنة بدون مقابل، و اشتغلت مع الفنان وحيد سيف كان بيعمل مسرحية فى الاسكندرية ، وكان فى فنانة اسمها ولاء عندها تصوير فيلم ، وقالوا لى اعملى الدور مكانها، ورجعت تانى بعد تاجيل الفيلم فالاستاذ وحيد سيف قالى خلاص بضحكتك الحلوه دى تقعدى على شباك التذاكر و فعلا قعدت ابيع تذاكر".

واستكملت:"أنا من مواليد حى الابراهيمية بالاسكندرية لكن اتربيت فى حى الحضره، وبابا سمانى عارفه على اسم جدتى وكنت مش بحب الاسم، وكانوا بيندهولى فى العيلة بميرفت واكتشفت بعد كده ان الاسم حلو".

بقلم جوَّك فنون

ملاحظة: المقالات والمشاركات والتعليقات المنشورة بأسماء أصحابها أو بأسماء مستعارة لا تمثل الرأي الرسمي لجوَّك بل تمثل وجهة نظر كاتبها ونحن لا نتحمل أي مسؤولية أو ضرر بسبب هذا المحتوى.

تعليقات

يجب عليك تسجيل الدخول أولاً لإضافة تعليق.

مقالات ذات صلة