صناعة ثقيلة.. قصة واقعية

بعد فضيحة مدوية لأحد اللصوص المدعومين تم نقله من مدير عام المباقر إلى مدير معمل اسمنت متهالك متوقف منذ أكثر من 10 سنوات...

ومن اليوم الأول وبعد خطاب المباشرة... أخذ يجوب المعمل علّه يجد ما يسرق أو ما يمكن الاستفادة منه.. 

فهو متعودٌ على النشترة.. وبعد أسبوع من الجولات المكوكية، لم يجد أي عظم يتسلى به... 

وفيما كان شارد الذهن في مكتبه جاءه المدير الإداري أبو فقوس، والذي كان يطلق عليه زملاؤه في العمل الجرو الأسود...

أبو فقوس: احتراماتي معلم.

المدير: احترمناك شوفي شو سبب هالزيارة لا تقلي شغل ما حدا عم يشتغل شي...

أبو فقوس: موضوع خاص إذا سمحت لي.

المدير: خاص شو.. وعام شو...

أبو فقوس: عطيني الأمان..

المدير: أمان شو... ولك يا زلمي منين لوين خاص وأمان ولك أنت تعرفني..

أبو فقوس : ولو معلم مسموعياتك سابقتك.

المدير: شو بتقصد ما فهمت؟

أبو فقوس: مدير فهمان وشغيل وبابتسامة خفيفة.. الشجرة المثمرة ترمى بالحجارة.

المدير: أنت بجوز سمعت عن الإشاعات ضدي...

أبو فقوس: كلها مغرضة ولتشويه سمعتك منشان ما تستلم الوزارة..

المدير: (عجبيتو شغلة الوزارة.. ما كانت خاطرة على بالو.. وعجبو نفاق أبو فقوس) أي عليك الأمان باين عنك فهمان حكي كلشي بدك إياه...

أبو فقوس: بصراحة يا معلم عطوك بيضة ما فيها صوص...

المدير: صوص... حكي منيح ولك أنت عرفان شو عم تحكي...!

أبو فقوس: سيادتك عطيتني الأمان...

المدير: كمل لشوف

أبو فقوس: عندي خطة يطلعلنا فيها كم مليون... هبرة مرتبة... وابتسم ابتسامة خبيثة بصراحة -كول وطعمينا-

المدير: كم مليون شو أنا ماني عايز...

أبو فقوس: عكيفك معلم أنا بستأذن.....

المدير وبعد أن فكر قليلا): تفضل أتحفنا يا فهيم..

أبو فقوس: في عندي خطة تطويرية بتوافق عليها الوزارة أكيد وفيها منفعة وهبرة مرتبة.

المدير : تطوير شو ولك كلشي خربان وواقف.

أبو فقوس: منرفع مقترح بورشة خياطة ألبسة عمل.

المدير: البسة يعني ما فهمت شو بيطلعلي كم ليرة..

أبو فقوس: راح اشرحلك معلمنا... ورشة جديدة.. يعني آلات جديدة هي فيها لحسة... وموظفين جدد كل موظف بيدفع 300-400 ألف ليتوظف... وصفقات القماش والخيطان...الموضوع مزراب دهب..

المدير: الموضوع مضمون!؟

أبو فقوس: ولو معلم 100%..

المدير: على بركة الله يلا.. اعملي دراسة ومقترح...

أبو فقوس: كلو جاهز بهالاضبارة..

وفعلا بغضون أشهر تم إحداث ورشة وتوظيف بضع خياطات، وتم التلاعب بمصدر الآلات من ياباني جديد إلى صيني مجدد... وأقمشة ستوك وخيوط تالفة... وآلة كوي وآلة حك منسقة...

وكانت عملية نصب مرتبة... ومرت السنوات وتم إهمال الورشة وتحولت إلى ما يشبه الروضة والاستراحة لا شغل ولا مشغلة غير فصفصة البزر، وشرب المتة، والتسالي..

وتقاعد المدير وصدر أمر بتعيين مدير جديد...

كان المدير الجديد مدعوماً، لكنه من النوع النسونجي ويطلق عليه من يعرفه لقب أبو كرز. وأبو نسوان... 

فهو يحب الليالي الحمر، وحفلات العربدة والسكر والمجون...

قام أبو كرز بجولة في معمل الإسمنت وكلما دخل قسم يهدد ويتوعد... وما أن دخل مشغل الخياطة حتى سال لعابه.. نسوان...نسوان...

انتبهت إليه إحدى الخياطات الفلتانات (حنونة) وقالت له : أهلين معلمنا معقول تمرّ من عنا وما تفطروا عنا انتو معزومين وهلق وقت فطور وما منقبل أي اعتذار...!

نظر أبو كرز إليها.. خلف نظارتها الشمسية عينان زرقاوان، زاخرتان بالأسرار، تفيضان بالغموض، ألهبت مشاعره وتحول-أبو كرز-إلى عاشق ولهان..

وافق أبو كرز على تناول الفطور، وبغضون دقائق كانت هناك مائدة عامرة، لكن المدير ما يزح نظره عن صديقته الجديدة حنونة..

بعد أيام زارته -حنونة - في مكتبه بلباس ومكياج بدوخ وبسوسخ... فساخ بين يديها...

حنونة: عندي طلب من سيادتك.

أبو كرز: بتئمريني أمر..

حنونة: ما عاذ الله...

أبو كرز: (وهو يصب لها مشروبا) تفضلي اطلبي يا عيوني.

حنونة: بدنا تحوللنا المشغل من ورشة لقسم..

أبو كرز: تكرمي وبدك بصير إدارة.. وضيفها سيكارة وضيفته من دخانها سيكارة...

حنونة: (بغنج ودلال) ما بتقصرو...

وفي غضون بضعة أسابيع تحول المشغل لقسم..

زار أبو كرز ورشة حنونة ليبلغ صاحبته بان طلبها صار... 

فطلبت منه أن تكون رئيسة القسم.. وكان بصحبته المدير الإداري الذي اعترض وقال: رئيس القسم لازم يكون عامل فئة أولى جامعي أو مهندس...

ردت حنونة: أنا جامعية... وإنه اليوم المسا بتاخد الشهادة للمدير...

وفعلا زارت أبو كرز مساءً ومعها صورة وصل تسجيل سنة أولى تعليم مفتوح باختصاص إدارة وكانت السهرة صباحية...

وفي اليوم التالي، صدر أمراً إدارياً بتعيينها رئيسة القسم المستحدث...

في بداية العام الجديد، طلب أبو كرز اجتماعاً لرؤساء الأقسام (وكان محور الاجتماع تنفيذ الخطة وتوزيع سيارة جديدة).

بدأ المدير الاجتماع بالصريخ والوعيد وبهدلة مديري ومديرات المؤسسة على التقصير، وعدم تنفيذ الخطة من الأغلبية..

وبعد أن استعرض عضلاته وإنجازاته... ثم قال: نتيجة لإدارتي الناجحة قامت الوزارة بإرسال سيارة بيجو 207 هدية لي، لكني ارتأيت أن أعطيها للمدير الذي نجح في تنفيذ خطته.. 

وفيما هو يكمل خطابه الصميدعي دخل الحاجب وهمس له فترك قاعة الاجتماعات، وذهب للمكتب الثاني...

وهنا أخذ كل مدير قسم يحلم بأن تكون السيارة له وخصوصاً أنها لم تعجب المدير لهذا سيعطيها لأحدهم...

عاد المدير إلى الاجتماع وهو يبتسم وقال: بعد مراجعة البيانات تبين لنا أن معظم الأقسام مقصرة لهذا العام، باستثناء قسم واحد نفذ كل الخطة وزيادة...

طبعاً قسم الورق مقصر، قسم الطحن مقصر، قسم التعبئة مقصر، قسم الضواغط مقصر...

القسم الوحيد المنتج بينكم هو قسم الخياطة، ولذلك ولضرورة المصلحة العامة، وتشجيعاً للمنتجين الحقيقيين أصدرتُ أمراً إدارياً بتخصيص رئيس قسم الخياطة السيدة........ بسيارة البيجو 207.

وأتمنّى أن تكون قدوةً لكم بالعمل والمثابرة... وانتهى الاجتماع...

وفيما كان مديرو ومديرات الأقسام يخرجون من الاجتماع...

قال مدير الإنتاج لمدير الصيانة: يا زلمي سيارتي من مواليد صاحبتو وبيجي بيعطيها سيارة جديدة شغل السنة.. وأنا أقدم منو وعلى بواب التقاعد...

ردّ مدير الصيانة بخبث: فيك تصير يوم عند المدير بدلها وبتاخد السيارة...

ردّ مدير الإنتاج: شو كمان عم يلحق الزلم!

مدير الصيانة: شكلك عاجبتك الفكرة...!

 

اقرأ أيضاً

آهات مركبة.. قصة قصيرة

- قصة "صغار تحت المطر"

مهندس ميكانيك متخصص يعمل في الهندسة العكسية وتصنيع كافة أنواع قطع الغيار والقطع التبديلية (تصميم وتوصيف المنتجات واختيار المعادن ومسارات التصنيع والمعالجات الحرارية)

ملاحظة: المقالات والمشاركات والتعليقات المنشورة بأسماء أصحابها أو بأسماء مستعارة لا تمثل الرأي الرسمي لجوَّك بل تمثل وجهة نظر كاتبها ونحن لا نتحمل أي مسؤولية أو ضرر بسبب هذا المحتوى.

ما رأيك بما قرأت؟
إذا أعجبك المقال اضغط زر متابعة الكاتب وشارك المقال مع أصدقائك على مواقع التواصل الاجتماعي حتى يتسنى للكاتب نشر المزيد من المقالات الجديدة والمفيدة والإيجابية..

تعليقات

يجب عليك تسجيل الدخول أولاً لإضافة تعليق.

هل تحب القراءة؟ كن على اطلاع دائم بآخر الأخبار من خلال الانضمام مجاناً إلى نشرة جوَّك الإلكترونية

مقالات ذات صلة
Oct 2, 2022 - عبد الله عبد المجيد طيفور
Oct 1, 2022 - كامل ابراهيم كامل
Sep 30, 2022 - مريم احمد علي
Sep 30, 2022 - نور عدنان عطا
Sep 27, 2022 - صلاح الدين ذياب
Sep 26, 2022 - ملاك ماجد
Sep 22, 2022 - على محمد احمد
Sep 22, 2022 - صالح بن يوسف مبروكي
Sep 22, 2022 - محمود محمد محمود حامد السيد البدراوي
Sep 21, 2022 - ندى سيد فتحى
Sep 20, 2022 - ٲم ٳسلآم المليكي
Sep 20, 2022 - نرجس مصطفى فريد
Sep 19, 2022 - محمد محمد صالح عجيلي
Sep 18, 2022 - ورده يحيى ظاظا
Sep 18, 2022 - يوهان ليبيرت
Sep 17, 2022 - دعاء عبدالله بواعنة
Sep 17, 2022 - ندى سيد فتحى
Sep 17, 2022 - ورده يحيى ظاظا
Sep 16, 2022 - سمر رجب
Sep 16, 2022 - لؤي عبدالقوي محمد
Sep 16, 2022 - عبد الله عبد المجيد طيفور
Sep 16, 2022 - نوران رضوان @
Sep 16, 2022 - هدى محمد علي
Sep 15, 2022 - اروى حسين فلاني
Sep 13, 2022 - مرام القادري
Sep 12, 2022 - كنعان أحمد خضر
Sep 12, 2022 - محمد ممدوح محمد علي
Sep 12, 2022 - هاني ميلاد مامي
Sep 11, 2022 - لعلاوي رابح روميساء
Sep 11, 2022 - شعيب محمد سعيد غالب شريان
Sep 10, 2022 - محمد عبدالقوي العليمي
Sep 10, 2022 - منال الكاتبة والأدبية
Sep 10, 2022 - لما فؤاد عروس
Sep 9, 2022 - صلاح ذوالفقار جعفر
Sep 8, 2022 - رانيا بسام ابوكويك
Sep 8, 2022 - كامل ابراهيم كامل
Sep 8, 2022 - أميرة محسن
Sep 7, 2022 - ترتيل عبد الحميد عبد الكريم محمد نور
Sep 5, 2022 - رضوان راشد الخضمي
Sep 3, 2022 - سيد علي عبد الرشيد
Aug 31, 2022 - سعاد الصادق
Aug 30, 2022 - عبد الله عبد المجيد طيفور
Aug 30, 2022 - سيد علي عبد الرشيد
Aug 29, 2022 - بسملة رضا زهري
Aug 29, 2022 - حبيبة عمر إبراهيم
Aug 27, 2022 - ملاك ماجد
Aug 27, 2022 - كعبي ميمونة
Aug 25, 2022 - سادين عمار يوسف
Aug 24, 2022 - احمد عصام امان
Aug 24, 2022 - احمد عصام امان
Aug 24, 2022 - سيد علي عبد الرشيد
Aug 24, 2022 - رانيا بسام ابوكويك
Aug 22, 2022 - محمد عقبة الحميدي
Aug 22, 2022 - لعلاوي رابح روميساء
Aug 20, 2022 - سادين عمار يوسف
Aug 20, 2022 - رضوان راشد الخضمي
Aug 20, 2022 - كعبي ميمونة
Aug 19, 2022 - وجيه نور الدين محمد شرف
Aug 17, 2022 - ضيا ابراهيم اسكندر
Aug 17, 2022 - قمرا مصطفى قادر
نبذة عن الكاتب

مهندس ميكانيك متخصص يعمل في الهندسة العكسية وتصنيع كافة أنواع قطع الغيار والقطع التبديلية (تصميم وتوصيف المنتجات واختيار المعادن ومسارات التصنيع والمعالجات الحرارية)