بعد حالة من الجدل أثارها مسلسل الحشاشين في عرضه الأول في رمضان 2024 اختار مخرج العمل بيتر ميمي أن يرد على كثير من الانتقادات التي وجهت للمسلسل.
وبخاصة أن مسلسل الحشاشين أثار حول استخدام العامية المصرية في الدراما التاريخية، ومدى تأثير هذا التوظيف على جودة العمل، وكذلك التساؤلات التي أثارها المسلسل عن حقيقة وجود الحشاشين من عدم وجودهم.
رد بيتر ميمي على منتقدي الحشاشين
وجاء رد المخرج بيتر ميمي مخرج مسلسل الحشاشين بطولة كريم عبد العزيز وتأليف عبد الرحيم كمال في نقاط مرتبة احتواها منشور له على صفحته على منصة فيسبوك:
طيب كل سنة وأنتم طيبين.. مع إني مكنتش حابب اتكلم علشان دول كلهم 4 حلقات! مبدأيا المسلسل من وحي التاريخ وده مكتوب نصا في التترات يعني مش وثيقة تاريخية لكنه دراما تاريخية.. هو تارنتينو لما قتل هتلر في السينما كان حقيقة؟ أو نابليون في فيلم ريدلي سكوت الأخير هل ده نابليون اللي في كتب التاريخ؟ ديه دراما تاريخية.
اقرأ أيضاً محمد لطفي يكشف سر مع خلافه محمد شاهين
اقرأ أيضاً هشام عاشور يهاجم رامز جلال بعد حلقته مع باسم سمرة
الحشاشين مسلسل تاريخي بالعامية المصرية
وأكمل المخرج المصري"حاولنا نعمل خيال تصويري لفترة من الفترات لكن في شكل درامي.. لكن رجعنا في الديكور والملابس لمراجع كتيرة ونادرة علشان نعمل عالم مشوفنهوش قبل كده وميكنش شبه أفلام او مسلسلات عالمية".
وتساءل بيتر ميمي في منشوره "هل ده حسن الصباح؟ مفيش كتاب اتفق على حسن الصباح لأن المغول حرقوا القلعة وكتبه وأفكاره والمجهود اجتهاد… ماركو بولو أو فلادمير بارتول أو برنارد لويس أو فرهاد دفتري… وكتير جدا.. حسن الصباح كان بيعمل معجزات؟ لا طبعا!!! وده تباعاً مع الحلقات هيتفهم".
وعن اللغط الذي أثير حول استخدام العامية المصرية كلغة للحوار في المسلسل قال "الحشاشين مسلسل تاريخي بالعامية المصرية.. الاحداث بيت اتراك و فرس .. لما عملوه الاتراك اتكلموا تركي و لما عملوه الامريكان بيتكلموا انجليزى .. احنا عاملينه فى مصر و الترجمة موجودة فى كل بلد.. المسلسل بيتعرض فى روسيا و امريكا و اكتر من بلد كل بلد بلغتها..هم الڤيكنجز كانوا بيتكلموا انجليزى؟ ولا ويليام والاس كان بيتكلم اللكنة الامريكية".
تفاصيل في مسلسل الحشاشين
ليه حسن الصباح؟ حسن الصباح شخصية فذة وغريبة ومستفزة أنك تعرف عنها.. مش لازم يكون رمز للخير علشان يتعمله مسلسل.. هتلر وراسبوتين كانوا في منتهى الشر لكنهم شخصيات فذة غيرت العالم.. أو على مستوانا المصري خط الصعيد أو سفاح إسكندرية
حاجات صغيرة:
- أم الخليفة رصد كانت نوبية الأصل.
- إسكندرية مدينة في مصر.. لأن فى مدن كتير باسم إسكندرية حوالين العالم.. لزم التوضيح للترجمة لأن فيه غير مصريين بيتفرجوا على المسلسل.
- مجاعة القاهرة الفاطمية مثبوتة تاريخيا لكن تعددت أشكالها حسب المصادر وهي على فكرة كانت قبل وصول حسن بفترة مش بعيدة بس ديه دراما (من وحي التاريخ).
- ماتسمى بمعجزات حسن الصباح مقصود تتصور بالشكل ده و ده هيبان تباعا وخصوصا مشهد الراوي حلقة 8.
- عم ملك شاه اتقتل بوتر القوس لأن ده كان عرف و تقليد.
مين الست اللى بتظهر لحسن الصباح؟ ده في حلقة 30 بقى لو ربنا أدانا عمر..
كل سنة وأنتم طيبين وسعيد أن المسلسل خلاكم تقروا وتسألوا.. وشوية شوية هتفهموا المسلسل.. صحصحوا معانا كده يا شباب خلونا نعمل شكل جديد.. وتبقى بداية ومع الوقت يتعمل أفضل وأكبر وأحسن من اللي إحنا عاملينه.. ومع الوقت ننافس…
وإلى هنا انتهى رد بيتر ميمي على منتقدي مسلسله الجديد الحشاشين، فهل برأيك سيحظى المسلسل في النهاية باحترام الجمهور والنقاد؟
رائع
يجب عليك تسجيل الدخول أولاً لإضافة تعليق.