لقولون العصبي (Irritablebowel syndrome)
في إحصائية بتقول إن خُمس سكان العالم مصابين بالقولون العصبي، يعني من كل مئة شخص في عشرين شخص مصاب بالقولون العصبي.
اقرأ أيضاً أعراض القولون العصبي.. وما أهم الأغذية المفيدة له؟
أسباب مجهولة لمرض القولون العصبي
في إحصائية كمان اتعملت على سكان أمريكا ووضَّحت إن في 3 مليون شخص بيزوروا الدكتور كل سنة بسبب القولون العصبي.
في نظريات بتقول إن بيحصل اضطرابات في محور الدماغ والأمعاء.
وفي نظريات قالت إن بيحصل فرط نمو في البكتيريا المعوية الدقيقة.
وممكن تكون عوامل وراثية.
وممكن كمان تكون عدوى معوية.
اقرأ أيضاً 10 نصائح للقضاء على مشاكل القولون العصبي
أعراض القولون العصبي
1- بتحس إن في ألم في البطن وانتفاخ.
2- وتغيُّر أو عدم انتظام في حركة الأمعاء.
3- تغيُّر في عدد مرات البراز.
4- وزيادة في الغازات.
امتى تشوف دكتور؟
لو حسيت فقدان في الوزن بدون أي سبب هنا تبدأ تقلق.
ولو حسيت بإسهال بالليل في أوقات الليل يعني.
ولو الموضوع بدأ يزيد معاك وبدأت تحس بنزيف في المستقيم.
أو في المنطقة الشرجية من تحت.
اقرأ أيضاً مشكلات القولون وسبل الوقاية منها
تابع أعراض القولون العصبي
أو أنيميا نتيجة نقص الحديد بسبب الإسهال المتكرر أنت بتفقد معادن ف منها لو فقدت الحديد هيعمل أنيميا.
والقيء غير المبرر تلاقي نفسك قاعد وبترجع لوحدك على مدار اليوم مرة الصبح ومرة بالليل.
أو صعوبة في البلع، في الحالات دي لازم تلجأ لدكتور عشان ممكن يكون خطر على صحتك.
في حاجات بتزود تعب القولون مش أسباب بس دي حاجات بتساعد على زيادة مرض القولون لو أنت بالفعل عندك زي.
زي الطعام مثلًا، زي أي زي القمح.
والضغط العصبي.. عندك امتحان ومتوتر أو انترفيو لشغل أو ماتش مهم وأنت مركِّز وخايف.
وطبعًا السن.. الناس اللي فوق الخمسين سنة معرضين بشكل كبير للإصابة.
وكمان الستات أكتر عُرضة من الرجالة بسبب الدورة الشهرية وتغير الهرمونات.
كل الحاجات دي بتساعد على زيادة أعراض مرض القولون.
وزي ما قولنا ممكن يكون عامل وراثي.. ممكن يكون والدك أو والدتك عندهم القولون ويتنقلك عن طريق الجينات.
للأسف القولون العصبي مش بس بيأثر على الصحة الجسدية، ده كمان بيأثر على الصحة النفسية.. ممكن يدخَّلك في نوبات اكتئاب وبيأثر على الحالة المزاجية بشكل كبير هتلاقي نفسك مضايق من أقل حاجة.
اقرأ أيضاً تشخيص القولون العصبى و أعراضه وعلاجه الدوائي
علاج مرض القولون العصبي
نيجي بقى للعلاج.. احنا دلوقتي هنعالج المشاكل اللي احنا اتكلمنا عنها.
أولًا كدة هنتجنب المشروبات الغازية.
والأكل اللي فيه جلوتين زي القمح والشعير.
وتجنب أي مأكولات أو مشروبات بتتعبك.
وتجنب الضغط العصبي.
وكتَّر بقى من الأكل اللي فيه ألياف كتيرة زي التفاح والبرتقال والخضروات.
وأهم حاجة تظبط نومك على الأقل 6 ساعات نوم ويفضَّل النوم بدري.
وبكده نكون وصلنا لنهاية مقالتنا.. وبنتمى لكل أصحاب الأمراض الشفاء.. ويارب نكون قدرنا نفيدكم ولو بمعلومة ونسأل الله أن يبلغنا رمضان غير فاقدين ولا مفقودين والسلام عليكم ورحمة الله وبركاته.
يجب عليك تسجيل الدخول أولاً لإضافة تعليق.