تحدث الفنان فادي خفاجة عبر مداخلة هاتفية له في برنامج آخر النهار مع الإعلامي تامر أمين وذلك على شاشة قناة النهار وعبر عن ندمه الشديد بسبب انهياره في البث المباشر الذي ظهر فيه على تطبيق تيك توك.
اقرأ أيضًا الفنان فادي خفاجة ينهار بسبب قلة العمل
اعتذار فادي خفاجة عن الفيديو الأخير له على تيك توك
فادي خفاجة: أنا بعتذر عن الفيديو وأتمنى الناس تعاملني كإنسان مش فنان
تحدث فادي عبر مداخلة له في برنامج آخر النهار مع الإعلامي تامر أمين وقال: "أنا مش قادر أقول حاجة غير إني كنت في لحظة ضعف وبرجو الناس زي ما شايفين إني فنان أنا انسان ولو رجع بيا الوقت مش هعمل الفيديو ومش عارف أنا عملته إزاي وأنا بسعى بقالي كتير طول الوقت الناس بتقولي أنت فين احنا متربيين على ونيس"
وتابع فادي: "أنا لا حصلت فنان ولا إنسان طبيعي وأنا لو سبت الناس في حالي وقعدت لوحدي أنا معنديش إجابات وانا بتسأل السؤال دة في اليوم مليون مرة"
واستكمل: "وكل الأساتذة الكبيرة اللي اشتغلت معاهم كانوا بيشكروا فيا ودا اداني أمل وكنت بشوفه رسالة إني أقدم في المعهد العالي للفنون المسرحية واجتهدت واتخرجت بتقدير كل دا راح فين ولما تواجدت في مسلسل زي الاختيار كنت ضيف شرف ودا كان شرف ليا وأنتظرت أن أبواب ربنا تتفتح".
اقرأ أيضًا عمرو سعد.. تعرف على مسيرته الفنية وأهم أعماله
فادي خفاجة يتساءل عن عدم مشاركته في أعمال فنية
كما واصل فادي حديثة قائلًا "وبعد كل دأ مفيش وانا مش عارف أنا مبشتغلش ليه وأتحدى أن مخرج يقول إني أنا مبجيش في معادي، أو منتج يقول إني ناقشته في الأجر محصلش"
وتابع: "سعيت وروحت قابلت مخرجين بدون استدعاء وزمان كنا بنعرف نقابل المخرج دلوقتي لازم تبعت على الميل وتاخد معاد وحتى لو النظام دا كويس بس أنا مش عارف أتواصل معاه لأن وسط كل اللي بيتقدم أنا مش هظهر"
وأضاف: "أعز الزملاء ومواهب أكبر مني كلنا بنكلم بعض وبنسأل ليه مش بنشتغل لكن أنا بعتذر ومكنش ينفع اللي أنا عملته لكن أنا حصل معايا حاجتين أنا جاتلي رسايل من أمام الكعبة ناس معرفهاش بتدعيلي وناس اخدت الفيديوهات وقطعتها وانا مكنتش متخيل أن ناس تعمل كدا"
كما اعتذر فادي مرة أخرى وقال: "أنا كنت فاتح لايف وباهزر مع الناس لكن كم التعليقات اللي كانت بتقولي أنت مكانك مش هنا فهما داسوا على الجرح"
يجب عليك تسجيل الدخول أولاً لإضافة تعليق.