تحدث الفنان أحمد فهيم خلال لقائه في برنامج زوم ونص مع المذيعة نورهان عبد الفتاح عن تفاصيل بداياته الفنية والتي كانت في مسلسل العار، كما وضح أمنيته للمشاركة في عمل سينمائي وطني يتناول الشارع المصري والريف.
اقرأ أيضاً سوسن بدر.. معلومات مهمة عن حياتها الفنية والشخصية
أحمد فهيم.. أول مشهد ليا أعمله كان في مسلسل سلطان الغرام
قال أحمد فهيم خلال لقائه في برنامج زوم على شاشة قناة هي: " أنا جزء من العمل وأهم حاجة إني هعمل شغلي كويس، العمل نجح الحمد لله، ولكن المهم إني أكون جوا العمل مميز سواء العمل نجح أو لأ، ودي حاجة مش في إيدي، والحمد لله الناس بتثني عليا في الدورين".
وأضاف: "أول مشهد ليا أعمله كان في مسلسل سلطان الغرام، كانوا مزنوقين في ممثل لأن الممثل اللي عمل الشخصية مكنش عارف يقول المشهد فاستعانوا بيا أنا، وبعد كده مسلسل بعد الفراق عملت مشهدين، وبعدين أول 6 حلقات ليا كان مسلسل العار مع أستاذة شيرين عادل، والمسلسل ده عزيز على قلبي ومهم جدًا في المشوار".
واستكمل: "كل الأعمال اللي عملتها قريبة من قلبي لأنها محطات في المشوار، ولكن مسلسل العار كان أول دور حقيقي عملت 6 حلقات، قبل مسلسل العار كنت بعمل مشهد، وكنت بقعد أشحن نفسي قبل تصوير المشاهد في مسلسل العار، ولغاية دلوقتي الحمد لله عندي نفس الطاقة اللي كانت موجودة في مسلسل العار، علشان أظهر للجمهور حقيقي على الشاشة".
اقرأ أيضاً السيرة الذاتية لإيمان العاصي.. تعرف عليها الآن
أحمد فهيم.. أعملوا لينا أفلام عن تاريخنا
كما أعرب فهيم عن أمنيته في المشاركة في فيلم يتناول الريف والشارع المصري، حيث قال: "في أزمة في الكُتاب ودلوقتي بندخل الأفلام نتفرج واحد بيحب واحدة وبيغني ليها أغنيتين وبطلع من الفيلم مش فاهم حاجة ولا فاكر أي حاجة، أعملوا لينا يا جماعة أفلام عن تاريخنا الريف المصري والشارع، هو ده الواقع".
وأضاف: "أي حد أنا مشتغلتش معاه نفسي أشتغل معاه، لأن بعتبر كل حد أنا مشوفتوش لسة وموقفتش معاه قدام الكاميرا تجربة جديدة وهشوف منه حاجة جديدة، وكل اللي موجودين في الساحة الفنية أساتذتي وعلى راسي".
يجب عليك تسجيل الدخول أولاً لإضافة تعليق.